15 корисни совети за успешно и лесно готвење!

Што е тоа што секоја трпеза треба да го има? Сол и бибер. Што е тоа што секој кој сака да готви треба да го има? Интернет! Со тоа следи и гледање видеа за готвење на јутуб и следење на веб-сајтови. Согласно ова, ние ви претставуваме петнаесет корисни совети кои ќе ви помогнат како до успешно и лесно готвење.

1. Читајте ги рецептите внимателно, но прилагодете ги на себе, својот вкус, мирис и играјте си со состојките.
2. Читајте ги и коментарите од читателите кои се испишани под рецептите, бидејќи можете многу да научите од нив за подготовката на јадењето.
3. Не треба секој оброк да го подготвувате целосно одпочеток, олеснете го готвењето со веќе приготвени јадења или полуготови производи како што се лиснатите теста.
4. Кога се размислувате што да правите со зеленчукот, ставете го на скара и додадете маслиново масло и сол. Ова е добитна комбинација за секој оброк.
5. Подгответе поголема количина на домашна супа и замрзнете ја во помали или поголеми садови за чување на храна. Со ова нема да изгубите на квалитет, а секогаш може да имате здрав оброк кога сте во брзање.
6. Колку помали се состојките за готвење, треба да се печат на повисока температура, а колку што состојките се поголеми, потребна е помала температура, но потребно е подолго време да се приготви истата.
7. Кога подготвувате пире од компири, откако ќе го исцедите компирот, вратете го во врелиот лонец 5 минути и ставете го на тивок оган, така од него ќе излезат вишокот течности.
8. Зачините не ги чувајте во близина на шпоретот, туку на темно и ладно место, бидејќи температурата и влагата може да влијаат на тоа да се изгуби вкусот од зачините.
9. Гответе ги тестенините минута или две помалку одошто времето напишано во упатството за подготовка, а за тоа време префрлете ги во сосот.
10. Откако ќе сецкате лук, протријте ги рацете од мијалникот бидејќи не’рѓосувачкиот челик ќе го одстрани мирисот од лукот.
11. Пред да го сецкате зеленчукот на даската за сецкање, посолете ја подлогата. Со тоа зеленчуккот нема да се лизга од даската.
12. Кога подготвувате сендвич, размачкајте го мајонезот или кечапот до работ на кришката леб. Сите го прескокнуваме овој дел, а токму тоа го обогатува вксуот на сендвичот.
13. Ако сакате подобро да ја пресечете сланината, ставете ја во замрзнувач 15 минути.
14. Како да знаете дали маслото е доволно загреано за пржење? Ставете ја дрвената лажица во маслото од тенџерето. Ако околу лажицата се појават меурчиња, маслото е доволно загреано.
15. Ако го пресоливте јадењето, вишокот на сол можете да го впиете со додавање на парчиња компир или лажица шеќер која ќе го неутрализира вкусот.