MакMода Магазин за мода и култура на живеење
„За да изградите сопствен стил потребна ви е самодоверба и внатрешна моќ“
Агнеса Орданоска е мајка на две деца, успешна деловна жена, сопруга на еден функционер и успева да стигне на сите полиња без да ја запостави својата страст кон модата.
„Како што се чувствуваш, така и ќе те гледаат“, вели Агнеса. А таа се чувствува прекрасно!
Никогаш не излегла од дома, ниту до најблиската самопослуга, без да биде стокмена од главата до стопалата. Уникатна е во изборот на гардеробата, а преферира гламурен стил. Затоа и сјае, па нема шанса да не ја забележите кога е излезена во некои од скопските кафулиња.
Го обожава накитот од златарата „Сигма“ и фустаните на „Нана фешн“.
За макмода, позира пред објективот на Аверел. И…, нели е прекрасна?
