Боење на велигденски јајца со стара вратоврска

Имате стара вратоврска? Веруваме, да. Прежалете ја и исечете ја по работ, отстранете ја поставата, а потоа вратоврската поделете ја на четвртасти парчиња со големина од 15 сантиметри.

Земете го претходно свареното јајце и завиткајте го со ткаенината, а потоа на врвот заврзете го со дебел конец или подебел ластик.

Така завитканото јајце покријте го со уште еден слој на ткаенина, но обична, стара памучна крпа и повторно заврзете го на истиот начин.

Колку уметнички дела сакате, толку јајца употребете со истата постапка.

Потоа, сите јајца ставете ги во лонец, едно до друго, и во лонецот додадете ладна вода за сосема да ги покрие. Во водата додадете и 5 лажици оцет.

Оставете да се варат на средна температура уште 20-на минути.

Потоа, со лажица едно по едно јајце извадете го од лонецот и оставете ги да се изладат. Откако ќе се изладат, остранете слој по слој од двете ткаенини.

Сервирајте ги во елегантен сад и декорирајте го садот по желба.

x

Check Also

Први тротинети и велосипеди за најактивните корисници на апликацијата HalkEco  

  Апликацијата HalkEco на Халкбанк  со која се стимулира пешачењето, трчањето, возењето ...