Ефективна терапија за опструктивна ноќна апнеа

Дали рчите? Уморни сте или поспани во текот на денот? Може да имате проблем со опструктивна ноќна апнеа.

Луѓе со опструктивна ноќна апнеа престануваат да дишат повторувачки во текот на спиењето поради колабирање на горните дишни патишта. Ова може да е поради фактори како голем јазик, вишок ткиво во дишните патишта или поради намален тонус на мускулите кои ги држат горните дишни патишта (фаринкс) отворени. Како резултат на ова, воздухот е спречен да стигне до белите дробови.

Овие паузи во дишењето може да се јавуваат до 30 и повеќе пати во текот на еден час спиење. Кога здравиот сон е нарушен на овој начин, тоа се рефлектира и на работата на срцето и може да води до бројни сериозни нарушувања на здравјето.

Како да знам дека имам опструктивна ноќна апнеа?

Опструктивна ноќна апнеа може да се јави кај мажи, жени и деца од сите возрасти. Повеќето луѓе со опструктивна ноќна апнеа не се свесни за својата состојба.
Најчесто, некој друг е сведок на првите знаци на опструктивна ноќна апнеа.
Доколку Вие или некој кој го знаете има еден или повеќе од следниве симптоми, можеби се работи за опструктивна ноќна апнеа.
● Изразена дневна поспаност
● Гласно или вознемирувачко ’рчење
● Збревтање или гушење за време на спиење

Останати вообичаени симпроми се:
● Изнемоштеност и утрински главоболки
● Зачестено мокрење во тек на ноќта
● Депресија и иритабилност
● Прекумерна тежина
● Голем врат или натрупување секрет во горните дишни патишта
● Жени во менопауза

Луѓе кои не ја бараат дијагнозата и ефективна терапија за опструктивна ноќна апнеа се изложени на зголемен ризик од:

● Покачен крвен притисок
● Аритмии или срцево заболување
● Срцев удар
● Мозочен удар
● Зголемена веројатност од сообраќајни незгоди или несреќа на работното место

Како се дијагностицира опструктивната ноќна апнеа?

● Разговарајте за симптомите и проблемите со спиење со Вашиот лекар
● Ако постои сомнеж за нарушување на спиењето, Вашиот лекар ќе Ве упати на специјалист од оваа област

 Која е терапијата за опструктивната ноќна апнеа?

● Позитивен Воздушен Притисок (PAP) е терапија на избор за опструктивна ноќна апнеа
● PAP терапијата претставува нежен проток на воздушен притисок преку Вашиот нос со користење на маска
● Воздушниот притисок го превенира колабирањето на горните дишни патишта со што овозможува нормално дишење во текот на ноќта
● PAP терапијата е неинвазивна и може комплетно да ги отстрани симптомите на опструктивна ноќна апнеа кога се користи како што е препишана

 СРАР терапија

● CPAP или континуиран позитивен воздушен притисок претставува најчесто користената PAP терапија
● CPAP обезбедува континуирана струја на компимиран воздух кои ги држи дишните патишта отворени
● Некои CPAP системи на компанијата Respironics имаат C-Flex™ алгоритам кој го намалува притисокот при експирација за да се овозможи поголем комфор

Други терапии

● Bi-level PAP може да биде препишан за потешките случаи
● Auto PAP (Auto CPAP или BiPAP) го прилагодува притисокот додека спиете според Вашите потреби – автоматски
● Оперативен зафат
● Прилагодување на положбата на телото при спиење
● Орални протези

 Кои се придобивките од правилната терапија?

● Зголемена енергија и присутност во текот на денот
● Намалување на крвниот притисок
● Намален ризик од срцев и мозочен удар
● Зголемена ефикасност дома или на работа
● Зголемен квалитет на живот

Во периодот на првите недели од терапија, можеби ќе наидете на проблеми со прилагодување на терапијата. Проблемите се лесни за решавање доколку побарате помош од застапникот на апаратурата или Вашиот лекар.

● Црвени дамки – пристегнете ја маската
● Истекување на воздух од маската – прилагодете ги затегнувачите додека истекувањето не престане
● Потешкотии со соодветно фитување – прилагодете ги затегнувачите или побарајте друга големина на маска

 Непријатности поврзани со носот и устата

Непријатното чувство во носот и устата ќе се повлече со тек на време. Доколку не се повлече, обидете се следново:
● Пијте обилни количини вода
● Користете физиолошки назален спреј
● Обидете се со назални деконгестиви
● Додатете навлажнувач на воздух на Вашиот PAP апарат

 Непријатности поврзани со воздушниот притисок

Различни сетинзи на Вашиот апарат како ramp или flex може да Ви помогнат да го адаптирате притисокот.
Прашајте го Вашиот дистрибутер дали овие сетинзи постојат и на Вашиот апарат.

 Живеење со ОНА

Важно е да бидете активен учесник во терапијата и да се фокусирате на нејзините придобивки.
● Користете го Вашиот апарат секоја ноќ, дури и кога сте на пат. Ноќната апнеа повторно ќе се јави оние ноќи кога нема да го користите.
● Бидете стрпливи и истрајни додека се прилагодувате на терапијата
● Раговарајте со Вашиот лекар или со дистрибутерот од каде е набавен апаратот за било какви проблеми или несакани ефекти на кои ќе наидете
● Барајте поддршка од домашните, локалните групи на пациенти со слична симптоматологија или на интернет
● Размислете за промени на животните навики, како губење во тежина (ако е потребно), подобрување на навиките на спиење, како и избегнување на употреба на алкохол, седативи и хипнотици

Ако симптомите на опструктивна ноќна апнеа се вратат по започнување на PAP терапијата, контактирајте го Вашиот лекар за да разговарате за терапијата.

За дополнителни информации и нарачки јавете се во аптеките Бета фармација на 02/ 32 27 220 или 32 56 799 или на Фејсбук страницата https://www.facebook.com/Beta-Pharmacia-155903734506218/

 

x

Check Also

МЕТЕО СО СЛАВЧО&ЗДРАВЈЕ: Сончев период, па пак многу студено време, како да ја надминете вознемиреноста?

Променливото време продолжува и во следните денови. Променливото, а студено време, влијае ...