Групна изложба „Пиперка“ во Македонски културен центар во Њујорк

Во петок, 17-ти мај, во галеријата на македонскиот културен центар во Њујок, САД (Gallery MC, NYC, USA) официјално ќе биде отворена групна изложба со наслов „ПИПЕРКА“.

На изложбата ќе бидат претставени дела на тројцата македонски уметници: Решат Амети, Сергеј Андреевски и Емил Шулајковски, а нивни гости ќе бидат уште седуммина уметници: Памела Тол, Гејл Тастин, Ерика Харис и Кејт Синклер од САД; Мариа Павловска и Роберт Дандаров – македонски уметници кои живеат и творат во САД и Воскресија Андреевска којашто воедно е и дизајнер на плакатот.

„Пиперката е производ што доминира во македонската кујна. Присутна е како основна храна и како додаток на јадењето, зачин. Блага, малку лута и лута – токму онаква каков што е и животот што денес сите ние го живееме. И гостите уметници од САД имале можност да ја вкусат нашата пиперка, а покрај неа и нашата култура. Но, сите тие, и во својата земја, на различни начини се соочуваат со лутината на пиперката, на животот!“ – изјави Сергеј Андреевски, куратор на проектот.

Изложбата ќе биде отворена до 28-ми мај.

Проектот е поддржан од Министерството за култура.

x

Check Also

Уште седум дена до отворањето на првиот Retail Park во Македонија

Како што веќе најавивме, Скопје на 18.07 го добива својот прв Retail ...