Комплетирана е програмата за четири бини! Амели Ленс и Масео Плекс ја предводат моќната листа со над 100 нови изведувачи за јубилејниот ЕГЗИТ!

Ова лето двете култни бини на светската електронска сцена – Егзитовите „Денс Арена“ и „Но Слип Нови Сад“ ќе ја донесат потполно новата димензија на фестивалското искуство, враќајќи го животот во живот по повеќе од 15 месеци. Амели Ленс, Масео Плекс, Тијана, Магдалена и Ендру Мелер се новите, штотуку потврдени имиња за „Денс Арена“, а Патрис Баумел, „Ејџентс ов Тајм“, Фараго, Адиел и Роман Флугел за епицентарот на прогресивната елктроника „Но Слип Нови Сад“. Сите тие се придружуваат на низата бројни светски и регионални ѕвезди како што се Дејвид Гета, Диџеј Снејк, Тајга, Робин Шулц, Асаф Авидан, Пол ван Дајк, „Сабатон“, Хани Дижон, Пол Калкбренер, Нина Кравиц, Борис Брејча, „Артбат“, „Хот Синс 82“, Шек Вес, Топик, Сатори, Медуза, Дениз Султа, Амира Медуњанин, „Лајбах“ и стотина други кои претходно го потврдија своето доаѓање на прославата на 20-годишнината на ЕГЗИТ фестивал, планирана од 8 до 11 јули на Петроварадинската тврдина во Нови Сад, Србија. Својата целосна програма ја објавија и култните бини „Урбан Баг“ и „Гаја Експеримент Транссо што вкупно се претставени повеќе од 100 нови изведувачи со потврдени настапи за јубилејниот ЕГЗИТ. Прецизниот распоред за досега објавената програма по денови е достапен на официјалната веб-страница на фестивалотпаралелно со почетокот на продажбата на еднодневните влезници кои се достапни од денеска на пладне.

ПРОТОКОЛ ЗА ФЕСТИВАЛИТЕ КАКО НАЈБЕЗБЕДНИ МЕСТА ЗА СОБИРИ И НАЦИОНАЛНА КАМПАЊА ЗА ВАКЦИНИРАЊЕ

Водечките српски музички фестивали неодамна го претставија протоколот, креиран во склад со последните научни истражувања спроведени ширум Европа, кои потврдуваат дека, со одредени ограничувања при влез на настаните, ризикот од ширење на заразата е скоро занемарлив. Протоколот предвидува дека на фестивалите ќе може да влезат оние кои се вакцинирани, кои имаат потврда дека прележале Ковид-19, кои поседуваат негативен ПЦР или антигенски тест, со што ќе се осигура овие собири да бидат едни од најбезбедните. Кризниот штаб на Србија позитивно се изјасни за овој протокол, и предвиде враќање на манифестациите од 21 јуни, под услов најмалку 50 % од полнолетните граѓани во државата да се вакцинирани до тој датум, покрај понатамошното подобрување на епидемиолошката ситуација. Обединетите фестивали на Србија, кои ги предводи ЕГЗИТ и останатите клучни актери на српската фестивалска сцена, потоа ја покренаа и националната кампања за вакцинирање на младите благодарение на која се забрза процесот, па до посакуваната цел останува да се вакцинираат уште 2 %, додека истовремено епидемиолошката ситуација е драстично подобрена.

ВЛЕЗНИЦИ
Во продажба во моментов се наоѓа ограничен контингент влезници за ЕГЗИТ Фестивал 2021 по промо цените од 3950 денари и со заштеда од 40% во однос на финалната цена. Сите влезници кои се купени за изданието во 2020 важат за влез на овогодишниот фестивал. Ограничен контингент еднодневни влезници, по подарок цена од 1600 денари, со 30% попуст, е пуштен во продажба од денеска, 8 јуни. Станува збор за многу ограничен број на влезници кои обично се распродаваат за само неколку часа, по што нивната цена се зголемува. Влезниците можат да се набават преку официјалната страница на фестивалот, како и преку овој линк.

x

Check Also

„УРБАНА АРХИТЕКТУРА ВО ДВОЈНА ЕКСПОЗИЦИЈА“ – ИЗЛОЖБА НА ФОТОГРАФИИ ОД ВИКТОР ПОПОВСКИ

„Од кога го знам Виктор знам дека се занимава со фотографија, но ...