Македонските лото играчи најмногу играат броеви во низа

Во коло 36 се радувавме на 166 (сто шеесет и шест) 6-ки, постигнати низ целата земја, благодарение на 6-те извлечени броеви во низа, велат од Државна лотарија.

Во над 1 000 извлекувања на Лото игрите на среќа во организација на Државна лотарија, од 3 мај 2010 г. досега, топчињата ни приредија безброј изненадувања. Едно од најитересните се случи токму вчера. Во тек на извлекувањето беа извлечени дури шест едноцифрени броеви и еден двоцифрен: 7, 6, 3, 2, 30, 4 и 5. Подредената добитна комбинација на екранот изгледаше вака: 2, 3, 4, 5, 6, 7, 30.

Од вкупно 166 (сто шеесет и шест) 6-ки, 11 (единаесет) се на добитници коишто играле на интерент платформата на Државна Лотарија, а останатите 155 (сто педесет и пет) 6-ки, се уплатени преку терминалите на продажни места ширум нашата земја.

Списокот на добитници на 6-ки уплатени преку термнинали на уплатно-исплатни места, по градови/населени места, изгледа вака: Скопје (43), Битола (7), Велес (6), Тетово (6), Кичево (6), Штип (5), Струмица (5), Охрид (5), Струга (4), Кавадарци (4), Неготино (4), Гостивар (3), Прилеп (3), Кочани (2), Делчево (2), Радовиш ( 2) Ново Село (2), Гевгелија (2), Ресен (2), Македонски Брод (1), Куманово (1) Крива Паланка (1), Чашка (1), Негорци (1), Пробиштип (1), Свети Николе (1),  Пехчево (1) и Берово (1).

Вкупниот фонд за категоријата 6-ка, во коло 36 изнесуваше 342.864,70 денари, што поделено на 166 значи дека секоја поединечна 6-ка носи по 2.065,45 денари. Дел од нашите добитници освоиле и повеќе од една 6-ка, но и 5-ки и 4-ки коишто им ја зголемуваат вкупната добивка.

Од онлајн учесници освоени се 11 (единаесет) 6-ки, но и 30 (триесет) 5-ки и 304 (триста и четири) 4-ки, што досега е најголемиот број погодоци постигнат од страна на онлајн играчи на Лото 7.

Дел од онлајн играчите добиле 6-ки користејќи ги придобивките од кампањата „300+100“ преку освоениот Бонус –промо ваучер.

Лото играчите коишто уплаќале преку терминалите на уплатно-исплатни места ширум нашата земја, постигнале вкупно 155 (сто педесет и пет) 6-ки, 247 (двесте четириесет и седум) 5-ки и 2 638 (две илјади шестотини триесет и осум) 4-ки.

– По однос на системска игра, имаме повеќе примери на игра на скратени и полни системи. Меѓу примерите и една уплата реализарана во Детелинка – Кичево каде што е одигран полн систем од 8 броеви (вкупно 160 денари) и 1 Џокер од 20 денари и на него има 2 добивки со 6 погодоци и 6 добивки со 5 погодоци. Еден од примерите на скратен систем е одигран во уплатно место Толлакс Медиа Бисер Скопје, каде што играчот одиграл скратен систем – реден број 9 со 21 одиграни броеви (вкупна уплата од 800 денари)  и има 1 добивка со 6 погодоци.

Очигледно е дека броевите во низа, што беа извлечени во коло 36 од играта на среќа Лото 7,  внесоа голема возбуда и ни потврдија дека најголем дел од нашите играчи во своите омилени комбинации играат броеви во низа, велта од Државна лотарија.

Фондот за 7-ка за наредното коло 37, изнесува близу 27 000 000 денари.

За онлајн играчите е актуелна кампањата „300+100“ за добивање Бонус-промо ваучер, а воедно Државна лотарија ги поканува сите играчи да се вклучат во игра преку веб страната за онлајн учество во игрите Лото 7 и Џокер  www.loto.mk. За сите информации, на располагање е контакт центарот на броевите 02 323 7777 и вибер бројот 076 313 052.

 

x

Check Also

Неделен хороскоп (1ви до 7ми јуни): Топ знаци на неделата – Бик, Вага и Шкорпија

Оваа недела, во знакот на Стрелец, ќе заблеска прекрасна полна месечина, подготвена ...