Најк ги повлече производите поврзани со Коби Брајант од продажба

Неверојатно е и да се помисли, по веста за смртта на Коби Брајант, во неделата на 26. јануари, има фирми кои не изгубија време и се обидоа да заработат. Цените на облеката и додатоците поврзани со спортистот се зголемуваат на страниците за повторно продавање, а на социјалните мрежи постои трка да се дознае кој модел е полесен за заработка.

Па така, Најк реши да ја заземе страна на еден од најсилните и најлегендарни спортисти, кој има долга историја на соработка со марката, отстранувајќи ги сите производи на марката поврзани со Брајант од продажба на Интернет.

На главната Интернет страница на Најк,  и на сите страници кои водат до производите кои се однесуваат на Брајант, стои емотивна порака: „Мамба засекогаш. Како милионите спортисти и навивачи ширум светот, и ние сме потресени од трагичната вест. Испраќаме најдлабоко сочувство до најблиските на Коби, особено до семејството и блиските пријатели. Тој беше еден од најголемите спортисти на својата генерација, а неговиот придонес во светот на спортот и кошаркарската заедница беше немерлив. Тој беше многу сакан член на семејството Најк. Енормно ќе ни недостасува. Мамба засекогаш “.

 

x

Check Also

ОУ „Григор Прличев“ од Охрид со поддршка на Халкбанк доби сензорна градина наменета за ученици со попреченост  

Основното училиште „Григор Прличев“ во Охрид, ја доби првата сензорна градина во ...