Најскапите шопинг улици во светот во 2013 година

Златен медал за Хонг Конг.

Сите поголеми метрополи имаат барем една улица на која се нанижани луксузни бутици, улица на која (и само гледајќи) може да се ужива во неодоливата гардероба, чевли, накит…

Но колку навистина чини да се изнајми еден бутик на овие славни шопинг улици?

Како и секоја година, и годинава, агенцијата Кашмен&Вејкфилд се обиде да одговори на ова прашање, класифицирајќи ги модните улици во најголемите метрополи на скалилото на луксузот, според цената.

Во анализата беа вклучени 334 шопинг-улици во 64 земји, а се анализираше цената на изнајмување на бутикот и луксузните производи кои се продаваат, но и животниот стандард во конкретната земја.

Златниот медал припадна на Козвеј Беј во Хонг Конг, која веќе втора година по ред го зема приматот на Петтата Авенија во Њујорк, благодарение на фактот дека тука еден квадратен метар за изнајмување чини 25.000 евра.

Второто место припадна на 5-та Авенија, на њујоршкиот Менхетен, а бронзениот медал го доби авенијата Шанз-Елизе во Париз, со цена на изнајмување на бутик по квадратен метар од 20.700 до 13.255 евра.

Шанз-Елизе

По нив следува славната лондонска Њу Бонд Стрит каде изнајмување на бутик по квадратен метар чини 8.666 евра.

Њу Бонд Стрит

Потоа е Токио со 8.152 долари.

виа Монтенаполеоне

6-та на листата е миланската виа Монтенаполеоне со 7.500 евра за квадратен метар.

М.Бенети