Новата Galaxy Note10 серија на паметни телефони официјално претставена во Скопје

По само неколку дена од светската премиера во Њујорк Samsung ја претстави Galaxy Note10 и Galaxy Note10+ серијата на паметни телефони пред домашната јавност во Скопје.

Новата Galaxy Note10 серија е дизајнирана да ги задоволи потребите на најпребирливите бизнис корисници, но и на креативците, овозможувајќи им да го постигнат својот максимум во секојдневните предизвици. Врвниот, надграден Dynamic AMOLED екран, професионалната камера, подобрениот S Pen, супер брзото полнење и неверојатната поврзаност со други уреди, претставува гаранција на корисниците дека уредот ќе биде во можност да ја исполни задачата, без разлика дали е тоа пишување белешки на работен состанок, уредување на креативно видео или едноставно пребарување на интернет.

Од својот почеток, Note серијата претставува симбол на врвни перформанси, која на корисниците секогаш им го нуди она кое им е потребно и што е уште поважно, да одат чекор понапред и да станат најдобрата верзија од себеси. Galaxy Note10 и Note10+ продолжуваат со традицијата на спроведување на иновација во полето на паметни телефони, обезбедувајќи им на корисниците исклучителни можности со S Pen, професионалната камера и одличната поврзаност со други уреди, за целосно доживување и автентично Galaxy искуство.“, изјави Марјан Блажески, директор на продажба на IM сегментот на пазарот на Македонија, Косово и Албанија на компанијата Samsung Electronics Adriatic. „Покрај официјалното претставување на двата најнови модели на нашиот пазар, ми претставува големо задоволство што од денес е функционален и официјалниот Samsung веб сајт за Македонија. Преку www.samsung.com/mk корисниците ќе можат на едноставен начин да се информираат за големиот број на најразлични уреди и да извршат купување со само неколку клика на еден од партнерските сајтови,“ додаде Блажески.

Galaxy Note10 и Note10+ се спој на најнапредниот хардвер и софтвер кој го има кај денешните паметни телефони, со најголемиот и најквалитетен Dynamic AMOLED екран со HDR10+ сертификат и динамично пресликување на тонови кои ги прават фотографиите и видео материјалите посветли за разлика од претходните Note уреди и имаат неверојатен и широк спектар на бои.

Камерата на новиот Galaxy Note10 уред на корисниците им дава можност да снимаат видео со професионален квалитет без потреба со себе да носат додатна опрема. Video editor овозможува уредување на снимките со помош на S Pen и наместо постојано да кликаат на снимката за да ја прегледат и уредат, корисниците можат прецизно да го изберат точниот момент кој што сакаат да го исечат.

Софтверската иновација која ја носи новата Galaxy Note10 серија на бизнис корисниците им дава уште поголем степен на контрола врз нивните проекти со зголемена продуктивност и ефикасност. Galaxy Note10 има моќна иновација со помош на редизајнираниот S Pen. Сега корисниците можат да пишуваат белешки и автоматски да го претворат својот ракопис во дигитален текст со помош на Samsung Notes апликацијата и да го експортираат во различни формати, вклучувајќи го и Microsoft Word.

Galaxy Note10 ја интегрира врзаноста со Windows директно во Quick Panel апликацијата. Со еден клик корисниците можат да се поврзат со својот Windows 10 компјутер. На истата може да ги видат известувањата, праќаат и примаат пораки и да ги прегледаат фотографиите без да гледаат во телефонот, согласно потребите на современиот потрошувач кој бара непречено и неограничено искуство на поврзаност помеѓу своите уреди.

Galaxy Note10 достапност

Galaxy Note10 ќе биде достапен во аура сјајна, аура розева и аура црна боја, додека Galaxy Note10+ ќе биде достапен во аура сјајна, аура бела и аура црна боја од 23. август по препорачаната малопродажна цена од: Galaxy Note10: 56.999,00 MKD, Galaxy Note10+ (256 GB): 65.999,00 MKD, Galaxy Note 10+ (512 GB): 72.499 MKD.

Повеќе информации за Galaxy Note10 и Galaxy Note10+ побарајте на:

https://www.samsung.com/mk/smartphones/galaxy-note10/

x

Check Also

Новите FREEBUDS 3 HUAWEI безжични слушалки испорачуваат нови интелигентни звуци користејќи KIRIN A1

Huawei ги претстави своите безжични слушалки HUAWEI FreeBuds 3 за време на ...