Оскари 2018: Рита Морено во истиот фустан што го носела на ноќта на Оксарите во 1962 година!

Холивудската легенда Рита Морено го освои вниманието на црвениот тепих на Оскарите со прекрасниот фустан со впечатлив флорален принт, долгите црни ракавици и украсна трака на главата – но, само нејзините најголеми фанови се сетија дека нејзиниот фустан е всушност истиот кој Морено го носеше на Ноќта на Оскарите во 1962 година.

Повеќе од изненадувачки е фактот што фустанот изгледаше како да е сосема нов, а воодушевува фактот што глумицата ја сочувала истата витка фигура и телесна градба, 56 години подоцна!

Рита Морено, Оскари 2018

Морено е позната по улогата на Анита во филмот West Side Story. Со таа улога, таа заработи Оскар за најдобра споредна женска улога, со што Морено станала првата „латино“ актерка која ја добила наградата. Во тој значаен ден, таа го носеше истиот фустан кој годинава го облече за Оскарите 2018.

Рита Морено со истиот фустан на Оскарите во 1962 година

Морено изјави дека фустанот е скроен во далечната 1962 година во Манила, Филипини, облечен е само на Ноќта на Оскарите (1962) и по тој настан, фустанот го чува во својот гардеробер.

„Ткаенината е направена од оби (јапонски појас за кимона)“, изјави Морено на црвениот тепих.

Оби ткаенина е густа и цврста, а тоа може да го објасни податокот што цели 56 години останала неоштетена во гардероберот, како да е сосема нова.