Поради посебен ген жените живеат подолго од мажите

Изгледа дека недоумицата зошто жените и покрај животните оптоварувања низ кои поминуваат, живеат подолго, конечно е разрешена благодарение на јапонски истражувачи.

Претпоставувајќи дека одговорите се во генетиката, тие во лабораториски услови се обиделе тоа и да го докажат. Успеале да издвојат посебен ген кај двата пола, но активен само кај мажите.

Станува збор за генот Rasgrf1, кој е одговорен за посилната телесна градба кај мажите и им овозможува да бидат доминантен пол.

„Но тоа поголемо и посилно тело постои за сметка на животниот век. Генот од таткото го наследуваат двата пола, а со оглед на тоа дека се активира само кај мажите, на нив и делува автодеструктивно. Ги изложува на суштински поголем стрес во однос на припадничките на понежниот пол, па епилогот е подолг живот на жените, а пократок на мажите“, тврдат јапонските научници.

x

Check Also

ОУ „Григор Прличев“ од Охрид со поддршка на Халкбанк доби сензорна градина наменета за ученици со попреченост  

Основното училиште „Григор Прличев“ во Охрид, ја доби првата сензорна градина во ...