Пробајте ги овие ТРИ НАЈПРЕФИНЕТИ РЕЦЕПТИ (на сите времиња)

Какви услови треба да задоволи едно јадење за да ја добие титулата најдобро на сите времиња? Дали тоа се должи на специфичниот вкус, на едноставноста или на префинетоста?

Верувале или не, специјалитетите кои денес се служат во луксузните ресторани низ светот, порано биле омилена народна храна. А ние ви предлагаме три од нив да ги донесете на вашата трпеза.

Петел во вино

Петел во вино

Специјалитет „Петел во вино“ на француски начин

Во најдобрите ресторани низ светот на менито редовно се наоѓа специјалитетот наречен „Coq au vin“, што во слободен превод би значело петел во вино или „пијан петел “. Денес речиси секоја област во Франција има посебно име за ова јадење и се приготвува на ист или сличен начин, но со различно вино.

Според легендата со јадењето „Петел во вино“ бил дочекан Цезар и така овој специјалитет станал задолжително јадење кое се служело секогаш кога Цезар доаѓал во Франција.

Еве како традиционално се подготвувал –

1 петел со тежина од 1,5 килограми или 2 пилиња со иста тежина

Пола шише црвено вино, на пример Pinot Noir.

150 грама сланина исечкана на ситни коцки

250 грама шампињони

12 чешниња лук

2-3 главици кромид (пресирани)

2 моркова, излупени и исечкани на четвринки

Подготовка

Еден ден однапред исчистете го и исечете го петелот на 8 или повеќе парчиња. Залијте го со вино. Додадете го лукот, морковите и билки за зачин по желба, покријте го и ставете го во фрижидер.

Следниот ден, отстранете го месото и зеленчукот од маринираната смеса, а маринадата сочувајте ја за подоцна. Во тава пропржете го месото во масло додека добие светло кафена боја од сите страни. Извадете го месото во чинија, а во истата тава пропржете го кромидот и зеленчукот неколку минути.

Месото и зеленчукот префрлете ги во поголема тава. Прелијте ги со маринадата, наросете сол и црн пипер. Потоа, оставете го да се вари (со капак) на умерен оган 1 до 2 часа.

Во посебна тава испржете ја сланината и печурките, пржете ги 10-на минути. Кога месото е готово, додадете ги сланината и печурките и гответе со постојано мешање уште 2-3 минути. Зачините ако е потребно.

Најпосле, додадете на готовото јадење сечкан свеж магдонос и сервирајте со печен компир и печурки.

Овој специјалитет одлично се „бакнува“ со чаша црвено вино кое го користевте во рецептот при подготовката.

Виенска шницла

Виенска шницла

Виенска шницла

Виенската шницла (Wiener schnitzel) попозната меѓу народот како бечка шницла, е традиционално австриско и германско јадење. На почетокот се приготвувало од свинско месо, а подоцна само од телешка кртина, која потоа се пржи во јајце и презла.

Со векови се води дебата за потеклото на виенската шницла, но сигурно е дека била главен дел од оброците во дворот на Хабсбурзите во 15 век.

Иако веруваме дека секој знае како да ја приготви, да се потсетиме на традиционалниот рецепт и заедно да ја усовршиме техниката.

Потребно е – 600 грама телешка кртина (шницлите се толчат до листови од 0,5 см), 30 грама брашно, 2 јајца, сол, 75 грама лебни трошки, свинска маст или масло за пржење, лимон за декорација.

Подготовка

Подгответе три плитки садови. Во првата ставете го брашното помешано со половина лажичка сол, во другиот сад ставете ги лебните трошки, а во третиот – изматените јајца.

Земајте една по една шницла, прво премечкајте ги во брашното, потоа во јајцата и на крајот во лебните трошки.

На добро загреано масло или свинска маст на тавата ставете ги шницлите (ставете онолку колку собираат во тавата без да се преклопат). Пржете 3 минути од едната страна, па од другата страна подеднакво исто додека добијат речиси жолта боја. Доколку шницлата се залепи за тавата, внимателно одлепете ја со помош на вилушка.

Пржените шницли извадете ги од тавата, оставете ги да се исцедат од вишокот маснотија на парче кујнска хартија и сервирајте ги со на кругови исечен лимон, компир салата или зелена салата.

Послужете со чаша суво бело вино. 

s2

Татар бифтек

Да не ве збуни името на овој исклучителен специјалитет, па да помислите дека станува збор за парче месо печено со зачини. Татар бифтек е всушност паштета од говедско месо чии корени датираат од далечното минато. Имено, Татарите парчињата месо ги ставале под седлото, каде месото под притисок и потта на коњот (солта), се дробело и се претворало во мека смеса.

Денес, овој специјалитет се подготвува на поинаков начин, еве како.

Потребни состојки – 1/4 кг. говедско ситно исечкано, 2 жолчки од јајца, 2 лажици сенф, 2 лажици доматно пире, 1 лажица Ворчестер сос, табаско сос по желба, мелен црн пипер, малку копар, 1 главица кромид, 5 кисели краставички,  60 мл масло, 30 мл коњак, половина китка магдонос, 1 лук ситно исечкан или рендан.

Подготовка

Во голем сад од ростфрај ставете ги жолчките, месото и сенфот. Добро измешајте, потоа додадете го доматното пире, сосот Ворчестер и табаско сосот, црн пипер и сол. Уште еднаш убаво измешајте.

Со лажица постепено додавајте од маслото, а потоа и од коњакот.

Додадете исечкан кромид, кисели краставички, малку копар и магдонос.

На крајот, додадете го ситно исечканото месо и пак добро измешајте со вилушка или со раце.

Распоредете ја паштетата во 6 чинии и обликувајте ја во кружни парчиња.

Над секое парче паштета ставете 1 живо јајце „на око“ (според оригиналниот рецепт) иако денес се послужува и без овој „детаљ“.

Се послужува веднаш, со помфрит или препечен леб. Доколку живото јајце не се наоѓа на врвот на паштетата, испржете го и сервирајте го како прилог.

Одлично се „бакнува“ со црвено вино. 

x

Check Also

Три вида некласична пица кои вреди да ги пробате

Пробајте ги овие три вида на пица кои имаат специфичен вкус кој ...