Промоција на првиот македонски електричен автомобил ЗАС Г20

Првиот македонски електричен автомобил ЗАС Г20 својата промоција пред медиумите и домашната јавност ќе ја има во среда, 6ти.февруари 2019 година, со почеток во 11 часот, во хотелот Парк& Spa, во Скопје.

ЗАС Г20 привлекува внимание со ретро дизајнот и конкурентноста во доменот на малите електрични автомобили. Ги има сите карактеристики на квалитетен електричен автомобил: нултата емисија на јаглероден диоксид (0 г/Км), конкурентни возни својства, досег со едно полнење до 150 км во реални услови на возење, како и максимална брзина ограничена на 130 км/ч. Времето на полнење изнесува 3-3,5 часа на домашен мрежен приклучок, исто толку и на јавен наизменичен приклучок, а на јавен брз еднонасочен полнач доволни се 15 минути.

ЗАС Г20 е резултат на повеќегодишно професионално ангажирање на тимот на ББ Класик Карс, во соработка и со поддршка на повеќе специјализирани фирми и занаетчии, како и на финансиската поддршка на Фондот за иновации и технолошки развој (ФИТР). Проектот е поддржан и поради вградените принципи на зелената економија – одржливоста, економичноста, постапниот развој на производството со користење на локални ресурси, како и со постојани едукации и специјализации на сегашните и идни вработени.

x

Check Also

Скопје Мериот хотел заедно со Црвен Крст ќе собираат донации за социјално загрозените семејства

По повод одбележувањето на Светскиот ден на гладот, Скопје Мериот хотел и ...