Ревија на Манго во Барселона: Микс од музика и мода, омаж на 60-те и 70-те години

На 30-ти јуни, на Олимпискиот стадион во Барселона, бразилската манекенка Ана Беатриз Барос ја отвори ревијата на MANGO за колекцијата есен/зима 2015.

„Шпанија е земја полна со живот и страст и тоа е она што ме фасцинира. Бидејќи по потекло сум од Бразил, лесно ми е да се идентификувам со многу обичаи од оваа земја. Драго ми е што MANGO сметаше на мене за отворањето на овој посебен настан. Ја сакам музика и колекцијата која MANGO ја дизајнираше за оваа сезона е вистински омаж за тие луди години кои проектираат слобода и влечат инспирација од стилот и талентот на тие музички легенди “, рече бразилскиот модел Ана Беатриз Барос.

Компанијата ја отвори шеснаесеттата едиција на 080 Barcelona Fashion модната ревија, каде беа поканети повеќе од 800 гости, а меѓу пристуните беа голем број познати лица од јавниот живот, личности од телевизијата и кинематографијата, радио водители и многу модни блогери.

MANGO ја пренесе естетиката на звуците од 60-тите и 70-тите во ревијата, каде беа искомбинирани музиката и модата. Стилот на женските музички икони од овој хипи-период како Џенис Џоплин, Грејс Слик, Пети Смит и Блонди беше презентиран преку кожените јакни, ѕвонарките, широките фустани и блузи.

Беа претставени 58 комбинации во контекст на рок и диско стилот, вклучувајќи долги и ниски деколтеа, кожни „цевка“ панталони, комбинација на текстура и светкави детали кои го славеа вистинскиот гламурозен аспект од оваа еволуција. Колекцијата за мажи исто така се наврати во времето со тоа што ги реинтерпретираше трендовите на британскиот рок стил. „Цевка“ панталони и војнички јакни и палта беа клучни за колекцијата каде црната боја преовладуваше во облеката со дизајни инспирирани од рокенролот и стилот на младите бунтовници од тој период, со примеси на фолклорен дезен.

 

x

Check Also

ФОТО/Вака се носи кариран дезен на 20, 30, 40, 50 години: Учиме од Кејт Мидлтон и Викторија Бекам

Се ближат празниците кои меѓу другото ги врзуваме и со карираниот дизајн, ...