Шминка за топлите денови

Како да се избегне размачканата и растопена шминка и покрај летните горештини.

slika 123

На плажа

Шминката на плажа мора да биде минималистичка. Употребете ја само онаа шминка без која навистина не можете, шминка која не пропушта вода односно водоотпорна.

Лице

На лицето не нанесувајте пудра, сончевата топлина ќе ја растопи пудрата и вашето лице ќе изгледа масно. Наместо тоа на деловите каде што е потребно ставете постојан коректор, на пример на подочниците. Одличен избор се и производите за самопотемнување со заштитен фактор – ќе го изедначи тенот на вашата кожа, нежно ќе ја обои, а воедно ќе ја заштити и од сонцето.

Образи

Јаболчниците нагласете ги со водоотпорно проѕирно руменило. Уште подобро ако руменилото го замените со руменило наречено бронзинг. Наместо производи во прав одлучете се за крем или гел кои поедноставно се нанесуваат и не оставаат дамки. За убав исончан изглед со нив намачкајте го носот, средината на јаболкчниците и челото.

Очи

Ако имате очила за сонце шминка на очите воопшто не ви е потребна. Во спротивно, очите можете нежно да ги истакнете така што на капаците ќе нанесете проѕирна сенка. Очите немојте никако да ги обрабувате, но можете да ставите маскара.

Во град

Во град, а особено ако поголем дел од времето го минувате во климатизирани простории не е тешко да се сочува совршениот мејкап. Пред се бидете практични, изберете едноставен и свеж начин на шминкање.

slika 234

Кожа

Обврзно употребувајте хидратантен дневен крем со заштитен фактор 15. Избегнувајте пудра, употребувајте ја само тогаш кога навистина ви е потребна. Неправилностите на лицето прекријте ги со коректор кој на кожата ќе го нанесете со четкичка. Притоа внимавајте бојата на кожата да се сложува со бојата на вашиот тен. По коректорот на кожата со голема кружна четкичка нанесете пудра во прав.

 

x

Check Also

Нови течни кармини во 20 нијанси – MAC COSMETICS „LOVE ME“

Популарната холандска манекенка Лара Стоун е главно лице во новата рекламна кампања ...