MакMода Магазин за мода и култура на живеење
Продажните места на брендот Спрингфилд (Springfield), кој е дел од групацијата Фешн груп (Fashion Group) го освоија првото место за најдобар трговски објект за 2014 година, награда која ја доделува Град Скопје во соработка со SWOT Research. Springfield ja освои наградата во категоријата бутици.
Наградата за најдобар трговски објект се доделува традиционално по осми пат во повеќе категории, а е резултат на истражувањето и оценувањето кое SWOT Research го спроведе од 01 до 30 ноември 2014 година. Критериумите, по кои таканаречени тајни купувачи (mystery shoppers) ги евалуираат трговските објекти, го опфаќаат целокупниот процес на купување – од првичниот впечаток при влез во продажното место, преку услугата, љубезноста, уредувањето на продавницата, начинот на плаќање, дополнителните елементи на продажбата па сè до нејзиното завршување и заминувањето на купувачот од продавницата.
Наградата доаѓа во вистински момент и е одлично заокружување на 2014 година, кога Фешн груп (Fashion Group) посвети особено внимание на дополнителни тренинзи и обуки за вработените со цел да се подобри искуството на секој купувач во продажните места на групацијата. Потврдата дека Спрингфилд (Springfield) и останатите брендови се на вистински пат, е мотив повеќе да се продолжи добрата работа, која резултира со успех и задоволни купувачи и во годината која доаѓа.
Спрингфилд (Springfield) е шпански бренд и е дел од групацијата „Fashion Group“ од 2006 година со продавници во Скопје – ГТЦ, ТЦ Рамстор, Скопје Сити Мол и една продавница во ТЦ Сума во Куманово. Моделите на Спрингфилд ( Springfield) промовираат лежерна мода за жени и мажи со европски сензибилитет.
