Уште едно успешно издание на F&L Expo

Викендов заврши четвртото издание на Fashion & Lifestyle Expoединствениот настан кај нас кој ја слави уметноста, неконвенционалноста и убавината на живеењето.

Фоајето на МОБ уште еднаш беше збогатено со сублимација од пријатни звуци, визуелни ремек-дела, значајни дискусии, иновативни производи и секако – луѓе кои зрачеа со позитивна енергија! Го видовме #Градот со нови очи – проследивме голем број модни ревии, перформанси, креативни работилници, едукативни презентации и важни дискусии.

Она што несомнено го одбележа ова издание беше натпреварот Driven By Design, спонзориран од Korea Auto Trade. Имавме можност да бидеме дел од едно поинакво модно доживување – секој присутен доби право на глас во изборот за најдобра модна креација од 15-те извонредни модели кои продефилираа на шармантната модна ревија. Стручното жири и публиката својата доверба ја дадоа на првонаградената Евгенија Зафировска, второнаградената Тања Димова и третонаградениот Марјан Бебекоски.

Ви пренесуваме дел од амбиентот на четвртото издание на Fashion & Lifestyle Expo.

 

x

Check Also

„МакеДокс“ ги најави програмите Земја во фокус – Германија, Чешка вечер и Детската програма

Десетгодишниот јубилеј на „МакеДокс“ се преклопува со два значајни јубилеи за слободата ...