В недела музички хепенинг на покривот на Џевахир Скај Сити

Жителите на Аеродром и станарите на Џевахир Скај Сити комплексот, овој празничен викенд ќе можат од своите домови да уживаат во музичкиот настап во живо на Наде Талевска и Горан Наумовски, Trinity Strings и DJ Todoroff.

Музичкиот хепенинг на покривот на една од кулите од комплексот Џевахир, ќе се одржи во недела, 3 мај, со почеток во 18.45 часот.

Но истовремено, во овој настан кој е во организација на Општина Аеродром и Џевахир Скај Сити, ќе можат да уживаат и сите жители на Скопје кои ќе имаат можност да го следат преносот во живо преку Интернет, односно преку Фејсбук страницата на Општина Аеродром.

Организаторите ги повикуваат сите жители на Аеродром од своите балкони или следејќи го лајфстрим преносот во својот дом, да се приклучат на хепенингот и на овој начин, иако одвоени, сепак заедно, да поминат убава вечер во дружба.

 

 

 

 

x

Check Also

Првомајски рецепт: Како да подготвите совршени плескавици и ќебапчиња

Иако многумина ќебапчињата и плескавиците ги купуваат веќе подготвени во месарниците, најдобра ...