Започнаа отворените школи за забавен фудбал

10 000 деца соединети во забавни школи за фудбал ширум Балканот

deca 3

По одржувањето на регионалниот семинар за тренери на „Отворените забавни школи за фудбал“ на кои се собраа координаторите од овој проект и тоа од Босна и Херцеговина, Србија, Македонија, Косово и Црна Гора, конечно официјално започна првата школа за забавен фудбал во подрачјето на Петрово – Грачаница. Школата во ова подрачје ќе трае до 12 овој месец и активностите во првите два дена се случуваат во Петрово, а следните три денови во Грачаница. Околу 200 деца од овие школи патуваат од место во место, а со нив работат околу 14 лидери и тренери и 12 асистенти.

Пректот, кој го организира данската невладина организација ЦЦПА (Cross Cultures Project Association), мобилизира 10 000 илјади деца на возраст од 7 до 14 години во горе споменатите земји со цел да се стимулира приближувањето, помирувањето и градењето на мирот меѓу заедниците од различни етнички структури.

Регионалниот семинар за тренери на школата за забавен фудбал се одржа на Копаоник во Србија помеѓу 4 – 6 август, а го предводеше основачот на организацијата ЦЦПА и на проектот „Отворени забавни школи за фудбал“ Андерс Левинсен и на семинарот присуствуваа по два инструктора од секоја земја.

deca 5

Со цел да се подобри работата со децата, тренерите учествуваа во интерактивни работилници, тренинзи за развој на детскиот интелект, градење на емоција и вештина и креирање на идеално опкружување, како секое дете би се чувствувало сигурно, добродојдено и вклучено во играта.

По оваа школа следната е закажана од 22 до 31 август во Крива Паланка и во Ѓорче Петров во Македонија.

Околу 10 000 илјади деца на возраст од 7 до 14 години ќе се соединат на петдневните „Отворени забавни школи за фудбал“, кои во втората половина на август ќе се одржат едновремено во Босна и Херцеговина, Србија, Македонија, Црна Гора и Косово. Овој хуманитарен проект под името „Отворени забавни школи за фудбал“, кои ги организира данската невладина организација ЦЦПА (Cross Cultures Project Association) претставува начин како преку забавни игри и педагошки забавен фудбал да се стимулира помирувањето, приближувањето и градењето на мирот помеѓу различните етнички заедници.

Школите за забавен фудбал се организирани од лидери и тренери – волонтери, кои се едуцирани за работа со деца на посебни семинари, кои се одржуваат и на ниво на секоја земја и на регионално ниво. Првиот регионален семинар за оваа забавна школа ќе се одржи меѓу 4 и 6 август на Копаоник во Србија.

„Би бил навистина среќен доколку моите син и ќерка играат еднакво добро фудбал како Меси или Марта, но она што ми е најбитно е што моите деца се среќни, имаат здрави навики и добри пријатели. Тоа е всушност и целта на Отворените забавни школи за фудбал“ вели основачот на организацијата ЦЦПА и на самиот проект Андерс Левинсен.

Овој проект започна уште во 1998 година во поствоена Босна и Херцеговина, а денес заживеа, речиси во сите земји од поранешна Југославија и уште во 15 земји на Блискиот Исток, Кавказ и Африка.

Проектот на Балкан го финансира УЕФА, како и локалните заедници, учеснички во проектот. Исто така, значајна поддршка е остварена и со надлежните фудбалски куќи, низ развојот на проектот „Grassroots Football” во земјите на Балканот.

x

Check Also

Тренд на неделата: Фармерки од линијата  #HyperFlex на Replay

Си купивме! Неверојатни се. Ако сте во потрага по одличен пар фармерки, ...